Avstriya elchisi bilan uchrashuv

Bugun jamiyatimizga Avstriyaning O‘zbekistondagi elchisi Mattias Radoshtiks (Matthias Radosztics) tashrif buyurdi. Diplomatning rezedensiyasi Venada joylashgan.

Elchi janoblari bilan O‘zbekistonda inson huquqlari va demokratiya masalalarida fikr almashdik. Sohamizning yutuq va kamchiliklari, O‘zbekiston va Yevropa Ittifoqi o‘rtasidagi siyosiy integratsiya jarayonlarini muhokama qildik.

Janob Radoshtiksga ko‘ra, Ittifoqning mamlakatimizga siyosiy-iqtisodiy, madaniy-gumanitar sohalarda qiziqishi kuchli.

Biz imkoniyatdan foydalanib, Avstriyada javobgarlikka tortilgan bir necha yurtdoshlarimizning keyslariga eʼtibor qaratishlarini so‘radik.